Paule meiner livet blir betre med hage
(LISTEN TO THE AUDIO FEED IN THE LINK!!)
Paule Miller lagar engelsk hage i Ålesund. Han trur det å jobbe i hagen gir betre helse og eit rikare liv.
Paule Miller er frå Essex like utanfor London. Han flytta til Ålesund for 13 år sidan og hageinteressa starta få år etterpå. No arbeider han for å lage ein engelsk hage. Han studerer hagebruk med the Royal Horticultural Society i heimlandet.
– Engelsk hage er stort for folk i England. Eg elskar blomster og dufter og kjensla av å vere ute i hagen. Du får eit betre liv med fargar, meiner Miller.
Mindre stress
Han er overtydd om at livskvaliteten og helsa blir betre av plantar. Han viser til ein studie der folk brukte ein halvtime i hagen etter ein stressande dag, og effekten var enorm. Stresshormona var redusert med 60–80 prosent.
– Hagearbeid er ein god hobby, seier Miller.